Yaradan bildim ilâhî sabr her sâbirde sen
Hem basar ile basîret hem nazar nâzırda sen

Bana tevfîkin refîk it hem delîl ü rehberim
Eyle lutf idüp hidâyet bâtın u zâhirde sen

Hem penâh ile necâtım eyle dâim ‘avnini
Hoş ‘inâyet kıl kerem her gâib ü hâzırda sen

Eyle a’mâlim muvâfık hep rızâna rahmet it
Olmasın bir gayrı dâim olasın hâtırda sen

Fi’limi hayr eyle ihsân-ı feyz idüp ilhâm ile
Her nefes mezkûr olan her zikr ile zâkirde sen

Tâ olam bu ben kulun sâhib-kemâl ü ma’rifet
Fazl u ‘irfânın ‘atâ kıl evvel ü âhirde sen

Rûz u şeb Gurbî garîbin maksadı budur hemân
Olur idi hayra bir kez ola ol kâdirde sen