Yine bir necm-i fürûzân-ı semâ-yı irfân
Oldu sad hayf ki dâmenkeş-i âfâk-ı cihân
Olsa zâir yeri var şimdi kulûb-i irfân
Zülmet-i ye’s ile mâtem-zede mahbûb-ı rıfkān
Pâk-sîret-i sulehâdan idi bu şeyh-i ârif
Ağlasın fâcia-yı mevtine çeşm-i devrân
Ehl-i dil çâk-ı girîbân ile feryâd eyler
Ebedî etti ufûl âh ki bir kutb-ı zamân
Söyledi lafza-i gufrân ile remz-i târîh
Oldu merd-i Hudâ âzim-i arş-ı Rahmân
Eylesin makberini reşme-i rahmet reyyân
Olsun ârâm-gehi bâğ-ı berîn-i rıdvân