Cânâne görünür bana cânâ neye baksam,
Kâşâne görünür heme virâneye baksam.

Mest olup ayağım nere bastığımı bilmem
Her bâr ol iki gözleri mestâneye baksam

Mahbub sevişinden bizi men eyleme vâiz,
İşitmez olur kulağım efsâneye baksam.

Cümle bu cihân ol sanemin vechidir el-hak,
Ger Mescid ü yâ deyre, yâ puthâneye baksam.

Her zerre Niyâzî heme hurşîd-i münevver,
Her katre hemin lücce vü deryâ neye baksam.