Cemâlin nûr-i zât ile münevver yâ Rasûlallâh
Kaşın mihrabına “Allâhu Ekber” yâ Rasûlâllâh
Kelâmın vahy-i Hak vechinde zâhir nûr-i vechullâh
Kamu zât u sıfatın Hakka mazhar yâ Rasulâllâh
Livâ-yı nusretin innâ fetahnâ ile feth oldu
Zamân-ı haşre dek muzaffer yâ Rasûlallâh
Verirdim yoluna bin cânım olsa şevk-ı rûyunla
Visâlün bir nefes olsa müyesser yâ Rasûlallâh
İnâyet eyle lutfunla nigâh-ı iltifât eyle
Zekâyî bî-kesin hâli mükedder yâ Rasûlâllâh