Açıldı çün Bezm-i Elest
Devr eyledi peymânesi
Andan içenler oldu mest
Ayılmadı mestânesi

Ol bâdeden kim nûş eder
İçdiği dem serhoş eder
Deryâ gibi ol cûş eder
Esrik olur dîvânesi

Savm-ı sivâyı kim tutar
İyd-i visâle ol yiter
Bülbül gibi dâim öter
Gülşen olur kâşânesi

Bayrâma ol âşık erer
Kim Hak cemâlini görer
Dost bezminin zevkin sürer
Pür-nûr olur dil-hânesi

Aç gözünü Hak ile bak
Oku Hüdâyî’den sebak
Kâmil olurmuş ehl-i Hak
Doğmazdan evvel anası