Yine lutf-i ilâhîden tecellî eyledi Rahmân
‘Iyâlim ağladı ammâ tesellî eyledi Rahmân

Derûnumdan edüp ilhâm kelâmın eyleyüp ilkâ
Benim erham benim ekrem seni reddetmedim bir ân

İrer sana cenâbımdan kemâl-i lutf u ihsânım
İdüp a’dânı ahbâbın kılam her derdine dermân

Didim Yâ Rabbenâ nefsim katı azlem dilim pür-gam
Edeble olmadım sâkin katı çok eyledim ‘ısyân

Didim Yâ Rab Nasûhî de kapunda zâr-ı nâ-çârın
Sığınmışdır sana senden ki sensin kalbine sultân