Cânân yolunda cânım giderse cânıma minnet el-hukmü li’ llah

Yârin eliyle şem’am yanarsa devlet-i bâkî fazlun mina’ llah

Dîdâr-ı yâri kılan temâşâ ağyâr yüzüne bakar mı hâşâ
Nûr-i tecellâ menzil-gehidir mir’at-ı hikmet min-kudreti’l lah

Hurşîd-i ma’nâ mihri dilârâ şevk-ı cemâli kamer-i garrâ
Enzâr-ı rahmet kân-i kerâmet şems-i seâdet minrahmeti ‘llah

Enhâr-ı irfần sadrında cârî ez kâr-ı Rahmân leylü nehâri
Feyz-i feyezân dârüş-şifâdır fermân-ı dâim tûbû ila’l lah

Burc-i Küfra’da mah-i münevver doğdu o mehrû hurşîd-i ahmer

Mürşid-i ümmet ummân-ı rahmet nûr-i mücessem ruh-i mea’llah

Pir-i Küfrevî emîr-i ebrâr nûr-i manevî sultân-ı ahyâr
Şems-i hidâyet necm-i seâdet hâdî-i ümmet min-keremi’l lah

Nâm-ı Muhammed sırr-ı mukaddes emîr-i aktâb bir zât-ı akdes
Serdar-ı pîrân râh-ı hüdâde Lokmân-ı devrân li hikmeti ‘llah

Tavâf ederdi ricâl-i kirâm asrında olan âlim ü allâm
Dergâh-ı Mevlâ idi o sultân ihsân ederdi hasbeten-li’l lah

LUTFÎ letâfet şânına şâyân hurşîd-i vahdet güneşden ayân
Nâşir-i feyz-i feyyaz-ı mutlak ehl-i îmâne li’ llâhi fi ‘llah