Hak ilmine bu âlem bir nüsha imiş ancak
Ol nüshada bu âdem bir nokta imiş ancak

Ol noktanın içinde gizli nice bin deryâ
Bu âlem o deryâdan bir katre imiş ancak

Âdemliğini her kim bulduysa odur âdem
Yoksa görünen sûret bir gölge imiş ancak

Bu zevke yeler herkes bulmaz velî her nakes
İren ana âdemde bir fırka imiş ancak

Kim ol deme buldu yol vasloldu Niyazî ol
Naci denilen fırka bu zümre imiş ancak
Âdemde olan esrar bu demde imiş ancak.