Nûr-i âyine-i cemâl-i cânân
Gönül iklimini münevver etmiş

Hurşîd-i ma’nâdan almışdır inan
Zıyâ-yı ma’nevî mukarrer etmiş

Pertev salmış kalbe nûr-i cemâli

Güneg-veş parlamış ilm-i kemâli

Bâkî devlet bulmuş yokdur zevâli

Kamer gibi kalbin mutahher etmiş

Hayret eder görse hûr ile gılman
Dehşet alur bilse âfet-i devrân
Mislini görmemiş mihr-i dirahşân

Hikmetu’llah böyle mukadder etmiş

Ebrû-kemân şîr-i zemân bî-gümân
Katleder âşıkı hiç vermez emân
Şûh-i kallâş mîr-i meydân nev-civân
Tâli’-i devleti muzaffer etmiş

LUTFİYÂ dilberin kurbi âfetdir

Mücerreb anların bu’di râhatdır
Tasavvura sığmaz bu ne tâkatdır
Âşıklar kaddini müdevver etmiş