Bu ‘arsa-i cevlâna merdâne olan gelsin
Şem’-i ruh-ı cânâna pervâne olan gelsin

Tâ sâkî-i devrândan bir câm-ı safâ içsin
Bu meclis-i ‘irfâna mestâne olan gelsin

Bu bezm-i safâ-bahşı ‘akl eyleyemez idrâk
Yağmaya verip ‘aklın divâne olan gelsin

Bünyâd-ı vücudunu berbâd u harâb edip
Mahv eyleyuben varın virâne olan gelsin

Evsâf-ı sıfâtın hep tebdîl edip ey Zâtî
Esrâr-ı ma’ânîde ferzâne olan gelsin