Gafletten uyan ey dil kim bâd-ı sabâ geldi
Aşkın yeli esti bil kim câna safâ geldi

Ey âşık-ı rûhânî v’ey ârif-i Rahmânî
Tenhâ gece bul anı kim rûh-ı hüdâ geldi

Ver hâbını emvâta gel kadi-i hâcâta
Hoş başla münâcâtâ âvân-ı senâ geldi

Koy hâb ü hayâlâtı terk eyle muhâlâtı
Bul aşk ile hâlâtı kim şevk-ı lika geldi

Kesret kederinden geç vahdet meyini sâf iç
Sen sayma vücudun hiç ol nûr-ı ziyâ geldi

Hâb içre olur gamlar aşk içre olur demler
Âgâh olun âdemler çün avn-i Hudâ geldi

Hakkı koyub ağyarı bul dilde o dildârı
Fevt eyleme eshârı kim vakt-i nidâ geldi