Ser xêrê be ev zewac û de’wet!
‘Umrek bi xêr, Xweda bike kismet…
Kêm nebe j’ser mala wan se’adet!
D’ Hîfza Xudada bîmînin her wext!

Ronî bibe ça’vê dêyû bava!
Kêfxweş bibin timî j’dil û nava!
Bi wan, malek bi nûr bibe ava;
Li gor esasê Qur’an û sunnet!

Bûk û zava li hevdû mubarek
Bêjin maşallah ji war, bi carek
Boy wan du’adar bin îns û melek
Wuha şad bin ew hetanî ebed…

Civîne dost û ehbab û yâran,
Dilxweşin, girtine reqs û dîlan!..
Hêvîya me j’ te ey Rebbê Rehman!
Kêm nebe qed, ev muhbet û ulfet

Xweş de’wete ev, paqij û helal!
Qewî îmanin ev merdên delal!
Bi edebin ew, her dem di her hal
Bibare l’ ser wan, rehm û bereket

Bûk û zava li hevdû mubarek
Bêjin maşallah ji war, bi carek
Boy wan du’adar bin îns û melek
Wuha şad bin ew hetanî ebed…