Zihî cevâhir-i ihsân-i âma ma’den-i hâs
Dür-i şefâ’at için bahr-i rahmete gavvâs
Yetip huzûruna Mi’râc vakti kılmışlar
Kamer husûl-i me’âşir Süheyl kesb-i havâs
Felek hem ol gece bulmuş safâ ki sofî tek
Karâr tutmayıp olmuş bu bezmde rakkâs
Reh-i mütâbe’atindir tarîk-i fevz ü necât
Hevâ-yi merhametindir ümîd-i hayr ü halâs
Tefâhur eyle Fuzûlî ki andan özge değil
Sana zamânede nakş-i sahife-i ihlâs

Fuzuli