İstemem gönlümni iylerde hayâl ol mâhını
Kim tahayyül birle seyr eyler n’iter hem-râhını

Gönlüm ister ne diler min barın ey ay u kuyaş
Sizni gönlü istemez ol kim diler dil-hâhını

Okı zahmın ten ara ol yüz hayâli yarıtur
Eyle kim Yûsuf cemâli rûşen itkey çâhını

Cân u akl u hûşdan geçgil dedin kıldım kabûl
Terk ite alman n’itey nezzâre-i geh-gâhını

Garka oldı nâtüvân cismim sirişkim bahrıda
Gerçi su nice tiren ola çumurmaz kâhını

Âşık irsen görmegil ey şeh gedâlarnı hakîr
Kim belâlık aşk fark etmez gedâ vü şâhını

Ey Nevâyî yâr eşiği pâklere kıbledir
Kılagıl göz kanıdan âguşte ol dergâhını

Ali Şir Nevai