Rehberim mürşid-i kâmildir ne gam ağyârdan
Hak dedim nâ-hak deyüben dönmezem ikrârdan

Var vârın kılsın teberrük deyüben remz eylemiş
Hiç dirîğ olsun mu cân bâş vermeğe dildârdan

‘Akl u cândan gayrı ol nesi var ‘âşıkların
Anı dahi Dost’a vermek yeğ değil mi vârdan

Kimdir ol meydân-ı ‘aşka cân verüp baş oynayan
Nice kılar da’vâyı ol geçmeyen zünnârdan

Duymayan “innî enallah”dan “ene’l-Hakk’dan” haber
Yer mi ol mîrâs bugün hablü’l-metîn-i dârdan

Söylemek lâzım değildir gerçi ‘irfân ehline
İllâ bu sır kısmet olmuşdur ezel bâzârdan

Gel ferâgat hırkasın giy eyleme kimseye dak
Ey Sinân Ümmî geçe gör da’vâ-yı esrârdan

Ümmi Sinan