Ey zâhid-i efsürde-dil tevhîde gel îkân ile
Zühdün hicâb olmuş sana tevhîde gel îmân ile

Ni’met sürülmüş gûn-â-gûn gamın çeker nâdân-ı dûn
Ye ni’meti olma zebûn tevhîde gel şükrân ile

Her kûşesi bir gülsitân gül nâz ider bülbül figân
Vakt-i seher-durur uyan temcîde gel mürgân ile

Hum-hâne-i Hakk’dır cihân ‘âşıklar anın şâribi
Kâmil mükemmel sâkîsi tecrîde gel rindân ile

Şemsî visâlin çek gamın ver vârını çeşm al hemîn
Elde kusûr dilde anın bu ‘ıyde gel kurbân ile