Fikr kıl ahvâlini geldin ne yüzden ‘âleme
Şükr kıl Rezzâk’a rızkın eksik itmez gam yime

Kıl musâhib her gice kalbini zikrullah ile
Uyma nefs-i şûma irmez çün bilirsin dem deme

Kim ki basdı ‘âlem-i ‘aşka kadem âdemdir ol
Her kimin ki ‘aşkı yok aslâ ana âdem dime

Ka’be-i vaslın anup her gice âh u vâh kıl
Ağla yaşlar dök gözün yaşıyla dönsün zemzeme

Gıll u gışdan pâk idüp kalbin şarâb-ı ‘aşkı iç
Seni ser-mest eyleyüp düşüre gayr-ı ‘âleme

Ol Hakîm-i lem-yezel’dir derde dermân ol virir
Derdini hoş gör taleb kılma varup eme seme

Sırr-ı ‘aşkı sînede sakla Muhibbî cân gibi
Yanılup bir kimseye esrâr-ı ‘aşkı söyleme