Hakîkat sırrını duymak dilersen âşinâlardan
Ferâgat eyle ey bîgâne var cevr ü cefâlardan

Şu tohm-ı ma’rifet kim hâsıl itdin mezra’-ı dilde
Sakın nâşîlere neşr itme havf eyle belâlardan

Yürü hem-bâl-ı zâğ-ı ehl-i dünyâ olma ey ‘âşık
Bülend it himmeti evci gözet olgıl hümâlardan

Hakîkat sohbetin kıl dâimâ ehl-i Hakk’a yâr ol
Dürûğ-ı dehre aldanma elin çek bî-vefâlardan

Devâ-yı derd-i ‘aşk istersen ey dil ‘aşkdan ayrılma
Ayağın çek cihân bezminde var dârüşşifâlardan

Dil-i Hakkı’ya nutk it tûtî-vâr ey tâir-i kudsî
Dîriğ itme şeker-güftârını şîrîn edâlardan