Tecellî-i cemâlinle dil-i mahzûnu kıl mesrûr
‘Atâ vü fadl u ihsânın Efendi eyle nâ-mahsûr

Nice bir nâr-ı hicrânın dil ü cânı ide sûzân
Bizi bezm-i visâlinden kerem it eyleme mehcûr

N’ola nûş eylese câm-ı hüviyyet cur’asın Hallâc
Muhabbet dârına ber-dâr olan lâ-büdd olur Mansûr

Ve “emme’s-sâile” bâbın ‘ibâdına iden meftûh
Kef-i cûduyla mümkin mi kıla kullarını makhûr

Fenâyî benden ıtlâk it iki ‘âlem kuyûdundan
Virilsin dest-i kudretden yedine nâme-i menşûr