Çün kim meşâme irmeye bir bûy-ı fâiki
Bôstân-ı ‘âlem içre niderler şakâiki

‘Âlemde zîb u zînetedir meyli âdemin
Sûret-i esîri neyleye sırr-ı hakâiki

Esmâya pey-rev oldu birer yoldan ins ü cân
Çokdur Cenâb-ı Hakk’a bu halkın tarâiki

Hâr itmesin mi zâğ u zağan câyini zîrâ
Bilmez çemende zevk u safâ-i hadâiki

Erbâb-ı Hakk’a nükte-i Allah bes yeter
Hakkı anın içün istemez oldu halâiki