Tahtgâh etdi vücûdum milkini sultân-ı aşk
Dil sarâyında kurulmuş bir aceb divân-ı aşk
****
Mübtelâ-yı derd-i aşk olmus serâser bu cihân
Söylenen dillerde bu hem denilen destân-ı aşk
****
Rütbe-i erbâb-ı aşkı zâhidâ sen bilmedin
Şâh-ı mülk-i ma’nevîdir hâdim-i rindân-ı aşk
****
Bu vücûdum mülketinde koymadım tâş üzre tâş
İşbu yolda böyle istermiş dilâ vîrân-ı aşk
****
Ey Gafûrî ermek istersen eğer cânânına
Terk-i cân eyle tecellî eylesin sultân-ı aşk