Tenden soyunup sıdk ile ‘uryân olabilsem
Cândan geçüben vâsıl-ı cânân olabilsem

Mahv eyleyüben varlığımı yemm-i hakîkat
Bir katre iken bahr ile yeksân olabilsem

İrişirdi anlayışım bâdî-yi sulûke
Yolunda anın hâk ile yeksân olabilsem

Beriyyeleri kat’ idüben ka’be-i vasla
İrsem de anın yoluna kurbân olabilsem

Meyhâne-i hüsnünde içüp bade-yi ‘aşkı
Keyfiyle anın mest ü hayrân olabilsem

Kulluğuna ben bendesini eylese lâyık
Lutf eylese ‘âlemlere sultân olabilsem

Bülbülleri feryâd idüben dem-be-dem ötse
Bâğında anın bir gül-i handân olabilsem

Esirgese Bîçâre’sini ol ulu Mevlâ
İş biter idi mazhar-ı Rahmân olabilsem