Mey-i ‘aşk ile ey dil mest olanlar vâr ise gelsün
Bugün feyz-i ilâhîden dolanlar vâr ise gelsün

Güherdir sırr-ı Mevlâ kim taleb-kârı katı çokdur
Anı kân-ı derûn içre bulanlar vâr ise gelsün

Ledünnî ‘ilmidir bu bunda Mûsâ’lar olur hayrân
Anı ta’lîm-i Hızr ile bilenler vâr ise gelsün

Fenâfillah mevkûf oldu dilden çâr tekbîre
Bugün meyyit namâzını kılanlar vâr ise gelsün

Çıkardın Hakkıyâ dürr-i ma’ârif kulzüm-i dilden
Bu bâzâr içre ger anı alanlar vâr ise gelsün