Bağrımı yâr etdi kebâb bilmem ne yârın ârzûsu
Hâlimi zâr etdi harâb bilmem ne zârın ârzûsu
Ben istedim mi ki güle hem-dem olup da bülbüle
İster ki bağrımı dele bilmem ne hârın ârzûsu
Gâmzesi kana susamış dîdesi câna susamış
Gîsûları kasd eylemiş bilmem ne mârın ârzûsu
Çekdim bir âh-ı serd-i hûb sabr eyle olgıl merd-i hûb
Hoşdur olursan derd-i hûb bilmem ne kârın ârzûsu
Hulûsî nice kul ola çiğnene yüzü yol ola
Belki o dem makbûl ola bilmem ne varın ârzûsu