Aceb bu benim cânım âzâd ola mı yâ Rab
Yoksa yedi tamuda yana kala mı yâ Rab

‘Aceb bu benim hâlim yer altında ahvâlim
Varup yatacak yerim akrep dola mı yâ Rab

Cân hulkuma geldikde Azrâil’i gördükde
Ya cânımı aldıkda âsân ola mı yâ Rab

Allah olıcak kâdı bizden ola mı râzı
Görüp Habîb’in bizi şefî’ ola mı yâ Rab

Yûnus kabre vardıkda münker nekir geldikde
Bize suâl itdikde dilim döne mi yâ Rab