Bülbül gibi nâlân iden
‘Aşk-ı ilâhîdir beni
Pür-âh u pür-efgân iden
‘Aşk-ı ilâhîdir beni

Bağrı kızıl kân eyleyen
Bu çeşmi giryân eyleyen
‘Uryân u biryân eyleyen
‘Aşk-ı ilâhîdir beni

Vârım ne vâr ise yakan
Hânem harâb idüp yıkan
Bilmiş olun ey ‘âşıkân
‘Aşk-ı ilâhîdir beni

Sahrâda Mecnûn’am revân
Deryâda Zünnûn’am hemân
Hâlim iden böyle yamân
‘Aşk-ı ilâhîdir beni

Gerçi ki Hakk’dır adım
Nâm u nişânı hep yudum
İden bugün didim didim
‘Aşk-ı ilâhîdir beni