Ey gönül müşkil nedir ‘âlemde sırr-ı dil durur
Kim durur bu müşkili ehl-i hünerden bildirir

Hâb-ı hargûş ile vaktin itmesin hergiz güzer
Şîr olan hargûş olmaklık katı müşkil durur

Dâne-i dilden biter he ne biterse ma’rifet
Kangı dilde olmasa ‘irfân bî-hâsıl durur

Şîr içün hûn-ı ciğer besle murâdınsa gıdâ
Hûn içinde şîr-i cevherdir ki dürcü gil durur

Âyîne pâk olmayınca ‘aks ider mi nûr-ı Hakk
Nûr-ı Hakk-cû olsa bir âyîne kendin sildirir

Kalbe Kur`ân vârid olmazsa dürüst olmaz namaz
Mâsivâ fikri teveccüh ehlini yanıldırır

Hakkıyâ ‘ayn-ı kelâm-ı Hakk durur her bir sözün
Bilmez ol sırrı meğer ol kim Hakk’a vâsıl durur