İftirâkın dilberâ ehl-i niyâz eyler beni
Bu niyâz cângâhıma bir çâre-sâz eyler beni
Ey kamer-tâb-ı zemân bu nâz-nümâyiş cilveler
Od salar dilhâneme âh-ı dirâz eyler beni
****
Hasretiyle korkaram devr-i zemân devrân ede
Gide gide kitâb-ı derde şîrâz eyler beni
Ger erişmezse eğer üftâdesine rahm-i yâr
Kays-veş âh-ı derûnum keşf-i râz eyler beni
****
Bir nazar-endâz ile cânân ederse merhamet
Bahş eder hayât-ı bâkî ser-firâz eyler beni
Lutfiya dilberlerin cemâli cennetden güzel
Gösterirse gül yüzünü nâz-bâz eyler beni

Alvarlı Efe Muhammed Lütfi Hazretleri