Kurbet-i Hakk ehl-i Hakk’a hem-civâr olmakdadır
Her taraf yanınca anın sâye-vâr olmakdadır

Nûr-ı zât ile bulur kuvvet yine nûr-ı sıfat
Biri biri ile dâim üstüvâr olmakdadır

Ey reh-i Hakk’da piyâde zâd-ı himmet al velî
Vuslat-ı Hakk düldül-i ‘aşka süvâr olmakdadır

Durma bu fânî vücûdu bezl-i bâkî idegör
Matlab-ı a’lâ bu yokluk içre vâr olmakdadır

Kalbdir erbâb-ı ‘aşka Hakkıyâ dâr-ı necât
Zâhidin nefsi ana dârü’l-bevâr olmakdadır