Râh-i Hakk’da zilletim ‘ayn-ı sa’âdetdir bana
Sûretâ alçaklığım ma’nâda rıf’atdir bana

Saltanatdır kulluğum fakrım ile fahr eylerim
‘Hâlet-i ‘aczim hakîkatde kerâmetdir bana

Keşf ü hâlât u makâmâtım kusûrum görmedir
Zevk ile menzil merâtib işbu hâletdir bana

‘Âciz ü fânî düşer mi hiç tasarruf kaydına
“Küllü şey’in hâlikün” remzi kifâyetdir bana

Varlığım yokluğa tebdîl eyledim hakka’l-yakîn
Sûk-i ‘irfân içre bir hoşça ticâretdir bana

Nakd-i cân ile metâ’-ı vaslı aldım râyegân
Şem’ ile pervâne sırrı bir işâretdir bana

Aldığım zâhirdir ammâ virdiğim bilmem nedir
Bu Salâhîlij ezelden bir kinâyetdir bana