Subh-ı devletdir tulû’un ey cesîmî âfitâb
Her kime pertev salar tûbâ lehüm hüsnü meâb

Sûret-i vehmiyyedir nakşı cihânın nazar et
Hayme sanma tîz bozulur havz içindeki habâb

Girme meyhâne-i ‘aşk içre ki nâ-mahremsin
Kanlı yaşın mey olup yüreğin olmazsa kebâb

‘Âlimiyyet da’vâsını etme ey mollâ-yı Rûm
Vermese ders-i ma’ânî dest-i mutribde rebâb

Âsumân üzre güneş ‘âleme pertev salmış
Ne zarar gerekse av’av ide yer üzre kilâb

Nûr-ı feyz ister isen def’ it özünden habesi
Katre-i sûd ile mi ger saçasın güle gülâb

Gırra olma Şemsiyâ nakş-ı nigârına bunun
Herkesi bir sûret ile aldadı deyr-i harâb