Olmak istersen eğer mahbûb-ı Rabbü’l-âlemîn
Tevbekâr ol tevbekâr ol tevbekâr ol tevbekâr
Bulmak istersen makâm-ı kurbda pâye hemîn
Tevbekâr ol tevbekâr ol tevbekâr ol tevbekâr

Al elin bir mürşidin dest-i ‘inâyet bulagör
Dâmen-i şer’a yapış var ehl-i sünnet olagör
Feyzi ‘afv-ı Hazret-i Hakk ile dâim dolagör
Tevbekâr ol tevbekâr ol tevbekâr ol tevbekâr

Nice bir telvîn-i dil ya nice bir zenb-i vücûd
İrişüp temkîne kıl Hakk’a şühûd ile sücûd
Her hatâya olmağa Hakkı hezâr ihsân u cûd
Tevbekâr ol tevbekâr ol tevbekâr ol tevbekâr