Yâ Resûlallâh vücûdun cevheri kıymetlidir
Cism ü cânın câme-i esmâ ile ziynetlidir

Sünbüle devrinde geldi gerçi Âdem ‘âleme
Habbe-i kalbin velî dürden dahi rağbetlidir

Hüsn-i hulkun feyzyâb olsa cemâlinden n’ola
Kim cemîlü’l-halk olan ahlâk ile şöhretlidir

Dest-i cûdundan hayâ eyler yedi deryâ senin
Birrine ebr-i bahârın dîdesi hasretlidir

Hâk-i pâyin sürmesinden çeşm-i Hakkı buldu nûr
Kim ona kühlü’l-cevâhirden o hâssiyetlidir