Şerâb-ı ‘aşka kanmak ister isen
Yürü var ehl-i tevhîdin elin tut
Bu gafletden uyanmak ister isen
Yürü var ehl-i tevhîdin elin tut

Olanlar ehl-i tevhîd ile demsâz
İderler ‘âlem-i lâhûte pervâz
Açılmaz kimseye tevhîdsiz râz
Yürü var ehl-i tevhîdin elin tut

Vesîle olmasayadı ehl-i tevhîd
Bilinmezdi nedir esrâr-ı tevhîd
İriş tahkîka olma ehl-i taklîd
Yürü var ehl-i tevhîdin elin tut

Bulanlar zevk-i tevhîdi velîdir
İrenler ana halkın efdalidir
Eli kâmillerin bil Hakk elidir
Yürü var ehl-i tevhîdin elin tut

Derûnu cümleden soymak gerekdir
Bu sırrı Hakkıyâ duymak gerekdir
İmâm-ı ‘aşka çün uymak gerekdir
Yürü var ehl-i tevhîdin elin tut