Aşkın oduyla cânımı yandır ser-â-pâ sevdiğim Vaslın demiyle gönlümü kandır ser-â-pâ sevdiğim
Rûhü’l-Kudüs’dür nefha-i tekrîm olan Îsâ demin Ol dem ki mürde dillere cândır ser-â-pâ sevdiğim
Aklım hayâlim her demim geçsin sen olgıl hem-demim Ol râz u sâz u mahremim her dem ser-â-pâ sevdiğim
Dil gayrıdan olsa nehiy vaslın ile dolsa tehî Sen gevher-i zâta gönül kândır ser-â-pâ sevdiğim
Maksûduma yetsem derim gayrıyı terk etsem derim Bu derd ile gözden akan kandır ser-â-pâ sevdiğim
Hulûsî ister ki n’ola ol yok olup seni bula Kim yoluna kurbân ola şândır ser-â-pâ sevdiğim