Nice günler bu bağ içre beni ben bî-karâr ettim
Düşüp vehm ü hayâle gördüğüm her nûru nâr ettim

Hayâl-i zülfüne bend olduğum Leylâ-yı mekkârın
Zevâl-i hüsnünü gördüm de ben bundan firâr ettim

Cihânda var u yok ikbâl ü idbâr devlet ü zillet
Kuru bir zan imiş gâh av kaçırdım gâh şikâr ettim

Gedânın zilleti şâhın bekâsız devleti bir âh
Anınçün bu cihânın varını yok itibâr ettim

Giden ma‘zûr gelen ma‘zûr, gülen hem ağlayan ma‘zûr
Cihânı ser-be-ser ma‘zûr gördüm itizâr ettim

Bana benlik veren arz-ı semânın nûrudur mutlak
Vücûdunla dedi sırr-ı vücûdum âşikâr ettim

Belâlardan şikâyet bir belâ-yı mahz-ı ekbermiş
Belâya sabrı her n’olsa rızâyı iftikâr ettim

Halâs-ı nefse çâre ölmeden ölmekle mümkünmüş
Reh-i aşk içre cân vermek tarîkin ihtiyâr ettim

Firâk u vasl dil-i dildâr kuyûd-ı ehl-i irfândır
Kemâlî cehl-i gaflette visâle intizâr ettim