Âsitân-ı pîre yitdim olmazam bîgâne ben
Ben umardım cân u başı vermişem cânâna ben

Cünbüşüm gördükde münkir dahl ederse gam değil
Âlem-i bezm-i ezelden gelmişem mestâne ben

Akl u hûşum cezbetullâh ile etdim târumâr
Baş açık u Behlûl-âsâ olmışam dîvâne ben

Tutsalar Mansûr-veş habs etseler halk-ı cihân
Añıcak deryâ-yı lutfın sığmazam zindâne ben

Şükrülillâh Şâfi‘î erdin pîrin sultânına
Küfrünü îmân bilip dil vermişem ol hâne ben