Zehr-i nâb içdi elinden şâh-ı merdân ey felek
Yâ rehâ buldu mu senden merd-i meydân ey felek

Kãne gark etdin sitemle Kerbelâ sultânını
Gül-gülistân oldu kandan mihr-i devrân ey felek

Bahar-i hûne keştibân etdin Huseyn’i cevr ile
Âl-i abâ gülleri hâk ile yeksân ey felek

Herbiri bir hurşîd-i eflâk-i hidâyet iken
Eyledin gerdenlerini lâle-veş kan ey felek

Evlâd-ı Peygamberi saldın belâ deryâsına
Leşker-i ehl-i şekâ ederdi seyrân ey felek

Murtezâ’yı Müctebâ’yı hazret-i Zehrâ’yı hem
Yakdı âteş-i ciğer eyledi biryân ey felek

LUTFİYÂ bu derde dermân dünyâda imkân yok
Hâkim-i yevmi’d-dîn eyler adle fermân ey felek