Bî-haberler derd-i dilden gelmesün bu meclise
Geçmeyenler kâl ü kılden gelmesün bu meclise

Biz ezel bezmin şerâbın nûş eden sermestleriz
Âr edenler ta’n edenler gelmesün bu meclise

Âteş-i aşk ile cümle varlığın yakmışlarız
Komayan varlığın elden gelmesün bu meclise

Âşinâ-yı âşiyân-ı cân olan gelsin beru
Kim haber bilmez ol ilden gelmesün bu meclise

Kuş dilin söyler Süleymân-ı zemân oldum yine
Seyfi kim bilmez bu dilden gelmesün bu meclise