Dil-berâ ben senden ayru tende cânı neylerem
Mâl ü milki taht u tâcı hânümânı neylerem

İsterem vaslun cemâlin ta kılam derde devâ
Ben senün bîmârunam özge devânı neylerem

Çoh dü’âlar kılmışam ben hâlikun dergâhına
Çün murâdum hâsıl oldı ben dü’ânı neylerem

Ey Müselmânlar bilün yâr ile hoşdur bu cihân
Ben ki yârdan ayru düşdüm bu cihânı neylerem

Ey Nesîmî neyiçün eylersin efgân ü figân
Ben bu gün sabr eylesem tanla figânı neylerem