Aç bu serâ-perdeyi gir içerü câna bah
Gör ne tecelli kılur pertev-i cânâna bah

Dost gözi ile gözün sürme gönülüm gözi
Işk ile andan dönüp tal’at-ı sultana bah

‘Aksini gör ol yüzün ister isen görmeğe
Cân ile cânân gözin âyîne-i câna bah

Açdun ise Hak gözin görmek içün Hak yüzin
Küfri elinde kibi şu’le-i imânâ bah

Savma’a vü mescide gûşe-nişîn oluban
Kâfirî kisvet giyüp sen bu müselmâna bah

Gözlerinün âyeti ‘aksi ‘ıyân gösterür
Diler isen görmeği sûret-i insâna bah

Niçün eger şîr isen bîşede zinhâr sen
Mûrçeden ulular didi ki merdâne bah

Sûret-i Nesîmîden bahışı ayırma kim
Anla ki sensen diyen devlet-i bîdâra bah