Zevk olsa kaçan cân u gönül içre keşîde
Helvâ gibi her ma’nâ olur ana çeşîde

Lafzı ne kadar gird ola çün nokta belîğin
Fehm ehli bilir olmasa da anda keşîde

Bir râh-ı hatar-nâkdir eğerçi reh-i ‘âşık
Ammâ ki zarûrî değil irşâd reşîde

Bu meclis-i ‘aşk içre ney u nûş gerekdir
‘Âşık nice eğlensin eğer olmazsa neşîde

Bir gûş gerekdir ki semâ’a ola kâbil
Tâ bu sühan-ı Hakk’ı bu Hakkı’dan işide