Müyesser eyle îmân-ı ‘ayânı
Ola ‘ayna ‘ayân sırr-ı nihânî

Güzer eyleye sâlik dü cihândan
Kuyûdâtdan kıl ıtlak cism ü cânı

Şühûd-ı vahdet-i zâtın ‘atâ kıl
Görem źzerrede şems ü âsumânı

Nazar kıl Tûr-ı Mâsâ lem’asından
Ki tâ zâhir ola sırr-ı terânî

İrişdür remzine heft âsumânın
Okuyam noktadan seb’a’l-mesânî

Eğer uçmak ise zâhid murâdın
Uçur irken kafesden mürg-ı cânı

Bekâ iklîmine irsün Fenâyî
Nider sensiz bu cân cân ü cihânı