Buldu sırr-ı iftikârı enbiyâ vü evliyâ
Fakr ile fahr itmeden mahrûm oldu ağniyâ

Dervîşin her bir demi mi’râc olsa çok mudur
Kim olupdur kesret-i perhîz ile rûh-âşinâ

Bu fenâ bezminde mahrûm olmadı Allah diyen
Kût-i rûh ister isen Allah’ı zikr it dâimâ

Cehr idersen zikr-i Hakk’ı çok olur şâhidlerin
Kim işidenler şehâdet ideler yarın sana

Bûriyâ ile bisât-ı atlası bir görenin
Tâ’atine sığmadı bir vech ile aslâ riyâ

Mihnet-i cânı koyup râhat gözetme cism içün
Bir gün ola cümle zaḥmet rahmet ola Hakkıyâ