Ey saf-i nevk-i müjen zülf-i melâmet şanesi
Her girih zülfünde bir dâm-i tahayyür dânesi
Bülbül-i cân evc-iistiğnâ-yi hüsnün tâ’iri
Tâ’ir-i dil pertev-i şem-i ruhun pervânesi
Gönlümü kılmış hayâl-i merdüm-i çeşmim vatan
Şükr kim merdüm-nişin olmuş bu gam virânesi
Devr-i ruhsarında hattın hey’eti aşk ehline
Bezm-i gamda kan ile dolmuş belâ peymânesi
Şem-i ruyun tâbı hur-şid-i kıyâmet pertevi
Hokka-i lâ’lin sözü hâb-i adem efsânesi
Zayı olmaz vâdi-i vahdette ol âvâre kim
Beste-i zencir-i zülfündür dil-i divânesi
Kanlı yaşın anca kim saçmış Fuzuli her taraf
Lâle-reng olmuş habâb-i mey kimi gam-hânesi

Fuzuli