Ey sâlik-i merd-i Hudâ itmek gerek cânı fedâ
Pervâz ile Hakk’dan yana bâd-ı sabâ ire sana

Evvel vücûdun eyle sen bâğ-ı celâda cümle nûr
Var ey gönül cehd eyle kim olmayasın andan cüdâ

Bu râh-ı Hakk’da ‘ayn şın kaf derd olupdur ‘âşıka
Bu derd-durur ‘ayn-ı devâ eyler kulûbu pür-safâ

Şer’a ri’âyet eyleyüp bin cân ile cehd eyle kim
Hakk’ın habîbi Mustafâ ide sana bir merhabâ

Ol muktedâ-yı ‘aşk-durur kim oldu bunda bî-garaz
Ol bî-gümân vasl oldu yâre itdi ‘ahdine vefâ

Gel bî-vücûd ol ey Nasûhî çün ki buldun sen vücûd
Fıkdân-ı kevneyn eyle kim irsin sana anda bekâ