Ni’met-i cûd-ı vücûdun kâinâtın aşıdır
Menba’-ı cûdun vücûd-ı mümkinin su başıdır

Lücce-i feyzinden istimdâd ider her nîk u bed
Dü cihânın feyzi ser-tâ-ser ‘inâyet-pâşıdır

Pâdişahlar pâdişahısın dü ‘âlemde tamâm
Ol vecihden pâdişahlar ravzanın ferrâşıdır

İftihâr eylerse ‘âlemde sezâdır ana kim
Âsitânın segleri anın kapu yoldaşıdır

‘İzzet anın ki cihânda kulluğunla fahr ider
Kişiye ‘izzet sa’âdet kulluğundan nâşîdir

Rıf’at anındır ki bâb-ı devletin mesned kıla
Devlet anın ki mahaddı âsitânın taşıdır

Gerçi dûr oldu Salâhî âsitânından senin
Rûz u şeb fikr-i hayâlinle sana dil mâşîdir