Ey gül-i gülzâr-ı rahmet sıbt-ı evlâd-ı Halîl
Menba’-i feyz-i şefâ’at nûr-i mahbûb-i Celîl
Hasret ü hicrinle kılma sen bizi hôr u hacîl
Ya Resûl-i Kibriyâ innî dahîl innî dahîl

Seyyiâtım hadden aşmış bir günâhkâr mücrimem
Eyleme mahrûm-i ihsânın beni yâ ze’l-himem
Ol zaman ki cûş eder nâr-ı cehennem pür-elem
Ya Resûl-i Kibriyâ innî dahîl innî dahîl

Fikredüp isyânımız subh u mesâ kan ağlarım
Yâd edüp rûz-i cezâyı zâr-ı sûzân ağlarım
Etdiğim ma’siyyete oldum peşîmân ağlarım
Ya Resûl-i Kibriyâ innî dahîl innî dahîl

Es-selâm ey zümre-i nev’-i beşer ser-defteri
Es-selâm ey makdemi eflâke ‘izzet mefhari
Himmetinden dûr kılma bu fakîr u ahkari
Ya Resûl-i Kibriyâ innî dahîl innî dahîl

Şevketâ sağ olmuşum mercu ??? yâ Resûl
Ümmetin olmaklığım lutf eyleyüp eyle kabul
Şefkatinden kılma dûr bi-hurmeti “Zevci’l Betûl”
Ya Resûl-i Kibriyâ innî dahîl innî dahîl