Sensin ey dil âdem-i ma’nâ ki ‘irfân sendedir
‘Alleme’l-esmâ da ta’lîm olunan şân sendedir

Bu vücûd iklîminin sultânı sensin cümle hep
Taht-ı teshîründedür mühr-i Süleymân sendedir

Şol emânet kim virilmiştir hakîkat âdeme
Bir dür-i yektâ durur ol dürre ‘ummân sendedür

Nüsha-i ümmü’l kitâb olsan ‘aceb mi ey gönül
Sûre vü âyât-ı Kur’ân sırr-ı Furkân sendedir

Tutalım Hakkî hakîkatde kemâlât ehlisin
Zâhiren baksan velî hep cürm ü ‘isyan sendedir