Nevâ vü sâz ile mey nûş edenler dil-rübâlardır
Çeken derd ü belâ bezm-i gam içre bî-nevâlardır
Perişân etme kâkül başın için ey perî-peyker
Ki her bir kâkülün târında yüz bin mübtelâlardır
Gel ey zâhid eger ehl-i yakîni görmek istersen
Özünden bî-gümân bigâne olmuş âşnâlardır
Geçip dil-dâre yâr olmak dilersin müdde’âlardan
Seni yârından ağyâr eyleyen bu müdde’âlardır
Cefâ vü cevri çok dil-berlerin mihr ü vefâsı az
Fuzûlî çek elini n’itmek olur bî-vefâlardır

Fuzuli